Yangiliklar
Orqaga

PREZIDENT MAKTABLARI yakuniy imtihon natijalari eʼlon qilindi!

PREZIDENT MAKTABLARI yakuniy imtihon natijalari eʼlon qilindi!

Joriy yilning 21-iyulidan 24-iyuliga qadar oʻtkazilgan yakuniy imtihon test sinovlarining natijalari Cambridge tashkiloti veb-saytida eʼlon qilindi:
Test natijalarini kompyuter ishlatgan holda ushbu havola orqali koʻrishingiz mumkin:

https://www.admissionstesting.org/campaigns/selection-results/

Ushbu koʻrsatilgan veb-saytga kirganingizdan soʻng:
1. Talabgor topshirgan hududini tanlang.
(Toshkent, Namangan, Xorazm va Qoraqalpogʻiston Respublikasi).
2. Soʻngra Prezident maktablariga topshirgan sinfini tanlang. (5-, 6-, 7-, 8-, 9-, 10-sinf).
3. Nomzodning natijasini bilish uchun qidirish tugmasini bosib (Ctrl+F), sizga taqdim etilgan 11 raqamlik maxsus identifikatsiya raqamini tering va Enter tugmasini bosing.
4. Yakuniy bosqich imtihonlaridan oʻtgan nomzodlar – jadvalning yuqori qismida koʻk rangda belgilangan boʻladi.
5. Yakuniy bosqich imtihonlaridan oʻta olmagan nomzodlar esa – oq rang bilan belgilangan boʻladi.

Eslatma: 5- va 6-sinflar uchun muammoni yechish va tanqidiy fikrlash bo’yicha umumiy 40 ballik savollar jami to’plangan balning 80% hamda ingliz tilidan umumiy 50 ballik savollar jami to’plangan balning 20% ini tashkil etadi.

Masalan, 5-sinf nomzodi tanqidiy fikrlash bo’yicha umumiy 40 ballik savollardan 21 tasiga to’g’ri javob bergan va ingliz tilidan umumiy 50 ballik savolardan 39 tasiga to’g’ri javob bergan bo’lsin. Bunda nomzodning jami to’plagan bali quyidagicha hisoblanadi:

(21/40)*80 + (39/50)*20 = 57,6

Ushbu misolda nomzod muammoni yechish va tanqidiy fikrlash bo’yicha umumiy 42 ball va ingliz tilidan umumiy 15,6 ball to’plagan, natijada nomzodning jami to’plagan bali 57,6 ga teng bo’ladi.

7-, 8-, 9- va 10-sinflar uchun muammoni yechish va tanqidiy fikrlash bo’yicha umumiy 40 ballik savollar jami to’plangan balning 60% va ingliz tilidan umumiy 55 ballik savollar jami to’plangan balning 40% ini tashkil etadi.

Oʻzbekiston Respublikasi Vazirlar Mahkamasining 2019-yil 25-iyun 526-sonli qarorining “Prezident maktablari toʻgʻrisidagi Nizom”ining 41-bandiga asosan, Prezident maktablariga kirish imtihonlari natijalarini tekshirish va talabgorlarning javoblari natijalarini baholash taʼlim sohasida faoliyat yurituvchi xorijiy tashkilot – Cambridge Assessment International Education tomonidan amalga oshiriladi. Natijalar anonim tarzda eʼlon qilinadi. Nomzodning shaxsiy maʼlumotlari koʻrsatilmaydi.

Shuningdek, Prezident maktablari nomzodlariga qoʻyiladigan talablar va qabul qilish tartibi boʻyicha maʼlumotlarni rasmiy veb-sayt orqali olishingiz mumkin.
Havola: https://pm.xtv.uz/qabul-tartibi/

5- va 7-sinflar kesimida yuqori ball olgan oʻquvchilar boshqa ixtisoslashgan maktablarga imtihonsiz qabul qilinishi rejalashtirilgan.
Prezident maktabiga qabul qilingan oʻquvchilarning ota-onalari uchun uchrashuv tashkil etilib, maktabga hujjatlarni rasmiylashtirish va ta’limga oid boshqa ma’lumotlar beriladi. Uchrashuv oʻtkaziladigan sana va manzil Xalq taʼlimi vazirligi rasmiy sayti orqali eʼlon qilinadi.

Hurmat bilan,
Prezident maktablari va Cambridge Assessment International Education jamoasi.